ألا ياليت لو نعشق .. حبايبنـا بـدون قلــــــوب

ألا ياليت لو نعشق .. حبايبنـا بـدون قلــــــوب
عشان ( القلب ) ما يدفـع .. ثمـن لخيانـة أحبابـه

والا يا ليت لو حب العشيق .. يثمن المحبـوب
ولا يجرح أحاسيسه .. ويحـرق غالـي ثيـابـه

خسارة ما بقى وسط المحبه غير حمـل ذنـوب
خسارة قلتهـا للحـب .. يومـه قـرر غيــــــابـه

خسارة من عنا قصه .. تغربل قاري المكتـوب
قست لين أجبرت قلبـي.. يبـادل وقتـه عتـــابـه

بدت يومي لمحت اللي... لمحروم النظر مطلوب
وصرت آموت من دونه... واذا جا القلب يحيابه

بذاك الصوب اوجه له.. اذا قالوا بذاك الصوب
وادور لي سبب والقاه لـو مـا فـادت اسبابـــــه

والاقي في شفاه احلى .. عذوبة نكهة المشروب
وفي حضنه مرام اللي نسوه وراحوا اقرابـه

واذا حرك سمو الطرف .. أشقى بالهدب وآذوب
واروح بعالم ( ؟؟؟) ثاني.. سبايب نظـرة اهدابـــه

وفي الآخر يخليني . جريح . مولع . ( ومسلوب)
من الحب العظيم اللـي تعـدى حبـره كتابـــــــه

ويترك قلب من حبه .. محال انه بيـوم يتــــــوب
ولا هواللي كسب حبه !! ولا خذ منه اتعابـه !!

عشقت بقلب لكني .. طلبـت يثمـن المحبـوب
ولكـن الغـرام اقفـى وراحـت بعـده ركابـــــه

تلوموني اذا كررت .. لو نعشق بدون قلوب ؟؟
عشان القلب ما يدفـع .. ثمـن لخيانـة احبابـه

مما راقي لي فأحببت ان انقله لكم
منقوووووووووووول