شعر عتاب

وقت العتاب راح لاترجع تعاتبني
مات الوفا والبقا في راس وجداني..

:::::::::::::::::::::::::::::::::::::::::::::

ماني مثل ما أنت خابرني وتحسبني
فلان الاول اصبح فلان الثاني..

:::::::::::::::::::::::::::::::::::::::::::::::

خلاص مات الهوى لاتهدم وتبني
تركتني لين جا النسيان ناداني..

::::::::::::::::::::::::::::::::::::::::::::::
العام ادور سبب منك يقربني
واليوم ادور سبب عشان تنساني..

::::::::::::::::::::::::::::::::::::::::::::::

كان السهر في هواك اللي محببني
والحين حتى السهريكبر على اجفاني..

:::::::::::::::::::::::::::::::::::::::::::::

وارجع وانا اقول:وش للجرح جايبني
ادري بجرحك ولا ادري وش وداني"

:::::::::::::::::::::::::::::::::::::::::::::

عن صدق الاحلام جا الواقع وكذبني
وعن فرح الايام جا حبك وبكاني..

:::::::::::::::::::::::::::::::::::::::::::::

مليت أشيل الامل والدمع يغلبني
واقول بكره يجي للشوق يلقاني..

:::::::::::::::::::::::::::::::::::::::::::::

ويروح بكره وأجي والوقت غالبني
وأرجع على وحدتي واحزاني..

:::::::::::::::::::::::::::::::::::::::::::::

بكيت العمر كله يامعذبني
خلاص لاتتعب وترجع تعاتبني
أنا نسيتك دخيل جروحك أنساني..
:::::::::::::::::::::::::::::::::::::::::::::::::: ::::::::::::::::::