يعني بدونك ويش تسـوا حياتـي؟؟؟؟؟

استأذنك .. بسافـر ايـام .. وآجيـك

وان طالـت ايّـام السفـر .. لاتحاتـي

حتى ولـو طوّلـت .. مانـي بناسيـك

ياللي بدونك .. ويش تسـوا حياتـي؟

تامر على حاجه؟؟ .. بودّعـك وآعطيك

عسى عوّض الايـام .. فـي المقبلاتـي

حتى يدي .. ماودّهـا تفـارق يديــــــك

ساكت .. وانا اشوف البلا في سكاتـي

ماشفتني لارحت منك .. التفـت فيـك

بـلاي والله (( روحتـي والتفـاتـــــــــي))

لكن قبـل مـاروح .. ودي اوصــــــــــــيـك

وانت الوحيـد اللـي يقـدّر وصــــــــاتـي

لاحدٍ سالك .. وقالك ((وين مغليك؟؟))

قلـه: " لـوازم لاقضـاهـا بيـاتــــــــــي "

وان طروا النسيـان .. مانـي بناسيـك

يـاراس مالـي فـي الحيـاه .. وغناتـي

وان طروا السلـوان .. مانـي بساليـك

طيفك معي حتـى وانـا فـي صلاتـي

قلبي .. وهـو قلبـي اذا مـرّ طــــــــاريـك

لولا ضلوعـي .. كـان عـزوا مماتـــــي

لو جض صدري .. كان يمديـه ياتيـك

ويبـات عنـدك .. ويهنـى بالمبــــــــاتـي

انا .. وقلبي .. والغلا .. ساكـنٍ فيـك

وانته .. وقلبك .. والغلا .. وسط ذاتـي

غلاك .. مثل الحكـم عـــنـد المماليـك

اكـبــر طموحــــي .. لا .. كـل امنياتـي

شف فـي غيابـي ايّ حاجـه تسليـك

لاني بعدك .. اسلى مـع (( ذكرياتـي))

احــــاول اذكـــر .. اي شـــيٍ يـطريــك

"واقول هو سوا .. وانـا ذي سواتـي "

كني مـوادع .. كــل شـيٍ حــواليـك

وكني حسبت حساب ((حزة وفاتـي))

احب ... لاني مقدر انسـاك ... وآبيـك

ولا اقـدر اخليـك .. ياللـي تحاتـي

معنى احب .. وماقدر انسـى واخليـك

((يعني بدونك ويش تسـوا حياتـي؟))

وانا اقولك
((يعني بدونك ويش تسـوا حياتـي؟))
مع اني ما خذه على خاطري
بس مره روعه
تسلمي حبيبتي