خلطااات للشعر روعه

كثير كثير كثير منا يجهل طرق العنايه بالشعر و أحد يهمل هالشيء بعد ولا يعطيه أي إهتمام
بالرغم من أن جمال وجه المرأة يكمن في شيئين بسمتها و شعرها .

راح أعطيكم بإذن الله طرق جداً مفيدة للعناية بالشعر .

أولاً : الاستحمام .
غالباً ما تستحم البنت و معاها فرشاة شعر ( مشط / مشعره ) و هالشيء غلط و خطأ فادح
لأن أضعف فترة للشعر وهو مبلل فسقوطه يكون أكثر

مشطي شعرك قبل تستحمين وعلى خفيف لأن لو كان مو نظيف بيكون تساقطه أيضاً كثير .

- نوعية الماء : من الأفضل أن يكون الماء فاتر ( يعني الدافيء المائل للبرودة )
لأن الدافيء مره أو الحار يسبب القشرة و القشرة تسبب تساقط الشعر .
و البارد مضر للرأس .
( لا ضرر و لا ضرار ) خلي الماء معتدل مائل للبرودة شوي .

-الشامبو : كل شعر و له شامبو مناسبة له طبعاً هالشيء راجع حسب نوعية الشعر .
لكن حلو إنك تستخدمين زيادة على الشامبو حقك شامبو طبي يكون آخر تشطيفه لشعرك فيه .

مثل :- نيو كاب في منه أنواع اختاري النوع اللي يحل لك مشكلة شعرك .
نيو كاب جداً أعجبني استخدمت منه ( الشعر المتساقط )
سعره تقريباً 95 ريال .
- شامبو بيزلين بالأعشاب الطبيعية جداً أعجبني سعره 60 ريال تقريباً .
- شامبو إنتر بيول ماجربته لكن كثير يمدحونه .

أيضاً :دائماً احرصي إنك تستخدمين شامبو مافيه سولفات لورات الصوديوم لأن هالمادة من مسببات السرطان .
أغلب شامبواتنا فيها هالمادة لكن عندكم هيربل بصورة كبيره حسب معلوماتي .
في منتجات الفطر مره مره يمدحونها اسم ماركتها ganozhi ولا فيها هالماده , حتى ريحتها حلوه

بعد ما تنتهين من الاستحمام نهائياً استخدمي الزيوت العطريّة .
مثل زيت الياسمين و زيت المسك .... إلخ اللي عند ذا بودي شوب .
مجموعة الياسمين جداً رائعة و راح أتكلم عنها بعد شوي .

أنا استخدم زيت الياسمين

طريقة استخدام الزيوت العطرية :

حطي شوي منه ( نقطه تقريباً ) في إناء ( قدر / طاسه / زبدية ) و الباقي حطي فيه مويه
بعد ما تخلصين متحممه ( اسكبيه عليكِ ) من راسك عشان ينزل على باقي جسمك .
ما راح أقول لكم ايش الفضاعه في الريحه اللي بتشمونها لأنها فوق الوصف .

زيت الياسمين تقريباً سعره 95 ريال و في مكه تلاقونه بـ 125 ريال يا زعم يقول عشان الوكيل يختلف

مجموعة الياسمين :

زيتها يحتوي على مادة كيميائية مهمه للمتزوجين , أنصح المتزوجات باستخدامه لأن هالمادة هذي تخلي اللي يشمها ينجذب ناحيتك لكذا مره مهمه للمتزوجات .
خصوصاً إن ريحة جسمك و شعرك و حتى في فوطتك تصير ريحة الزيت مره مره رووووعه لا يفوتكم .

ثانياً : ما بعد الاستحمام .

طبعاً قلنا إن الشعر و هو رطب يكون جداً ضعيف و بسرعه يتساقط لكذا لا تمشطين شعرك حتى ينشف كليّاً .

نشفيه بدون أي أي أي شيء ( لا مجفف و لا غيره ) خلوه ينشف طبيعي من الهواء اللي حوله و حلو انك أنت تنشفينه ( ترقصين فيه يعني )

نصيحه مهمّه : احذري ثم احذري ثم احذري إنك تستخدمين المجفف أو السيراميك أو الفير و شعرك رطب , لأنه راح يزيد من التقصف و التساقط و يضعّف الشعر .

بعد ما ينشف حطي في شعرك محلول لحماية الشعر من التساقط

مثل :
تابيتا ( كأنه قطره ) لفروة الرأس .
بيزلين سعره تقريباً 60 ريال .
أمبولات إنتر بيول تقريباً بـ 120 ريال .
أفالون 2 % بـ 60 ريال
وفيه أقوى منه أفالون 5 % نفس السعر , لكن مشكلة الـ 5% الخوف من ظهور الشعر في الوجه .
أمبولات ديركوس .
كامينو موتو ( فيه منه أنواع كثيرة استخدموا مسرع نمو الشعر + تونيك )

ثالثاً : لحماية الشعر من القشرة .

كثير ناس تستخدم شامبوات ضد القشرة و خرابيط كثيرة لكن النتيجة الفعّاله فعلاً هي إنك تستخدمين ديتول

تحطين شوي مررره في فنجال قهوه و الباقي تملينه موية وتشطفين فيه شعرك مع الشامبو حقك جداً جداً خقوقيه الطريقة .

عن نفسي أستخدمها كل ما أتحمم , لأنها شعور بالنظافه مو طبيعي .

رابعاً : الزيوت .

كثير زيوت ممتازة و حلوه , لكن يندر ما نحصّل الأصلي .
لكن فيه مثل - زيت انتر بيول
- زين بيزيلين

الزيت أيضاً يا حبوبات على حسب الشعر في ناس ما يحطونه أكثر من نصف ساعه و في ناس ما يفيدهم إلا لا جلس من 3 ساعات و فوق عاد أنتِ و طبيعة شعرك .

أيضاً في أحد لما يشطف شعره يشطفه من قلب حتى إنه ما يخلي ولا حاجه من الزيت , و الأفضل إنك ما تشطفين شعرك مره يعني تخلين جزء يسيــــــر من الزيت حتى يستفيد منه شعرك .

إن شاء الله استفدتوا ..وللامانه الموضوع منقول بعد ما استفدت منه شخصيا ومره بيفيدكم مثل ما افادني
دعواتكم لي بالتوفيق .
شكراً لقرآئتكم .