ليتني;;;;;;;;;;;;;;;;

قول عادي بالي الليله طويل
شوف لك عذر قديم واقبله

لاتحاتي قلبي متعود يشيل
الجروح اللي تجي له مقبله

طيبتي صارت مثل كف البخيل
اي شي طايح تشوفه تحمله

وموغريبه اني الليله عليل
الحزن يحسبني واحد من هله

وموغريبه لوتمنيت الرحيل
البقاء احيان يعني البهذله

في غيابك مال هالضيقه مثيل
وربي اللي مايشاءه يفعله

من يلاقي بدنيتي هاذي بديل
خل يجيني اي شخص ابدله

وعيب راسي لابغى شي مستحيل
يوصله مو طيب غصبن يوصله

ليه راجع ليه ذاكر يالاصيل
انت ضايق في خطأ في المسأله

ليه تبكي من كلامي يالدخيل
المشاعر مالها بقلبك صله

والبلى ان حب رجال ثقيل
ينسى من حوله ويسمع مذهله

ومن عرفتك حظي العاثر يميل
اعترفلك اني عاجز أعدله

فاقد الاحساس مايعطي القليل
وان عطيته احساس قلبك يقتله

ايه ابرحل والطريق ادري طويل
مشكله قربك وبعدك مشكله

وان خذاني الموت اترك قال وقيل
قول هالجمله وخطاك محلله

ربي الهم اهله الصبر الجميل
وارحمه يارب واحسن مدخله

راقت لي

طيبتي صارت مثل كف البخيل
اي شي طايح تشوفه تحمله

وموغريبه اني الليله عليل
الحزن يحسبني واحد من هله

وموغريبه لوتمنيت الرحيل
البقاء احيان يعني البهذله

في غيابك مال هالضيقه مثيل
وربي اللي مايشاءه يفعله

من يلاقي بدنيتي هاذي بديل
خل يجيني اي شخص ابدله

يسلمووو بنت الجنوب..
أجدتي العزف والتغني بهذا النص ولكن عزف حزين ومؤلم..
الله يبعد عن قلبك كل مكرووه..
رقيقة الحس ..مُرهفة المشاعر
تسلم الأياادي...
داام لناا هذا النبض والحس..
بحفظ المولى..
تقبلي مروري واحترامي

يسلموآآ ع الطرح الاليييم


ودي لرروحك