لحظه نبي نرجع دقيقه لماضيك....

راسك علامك رافعه يوم أحـــــاكيك
الظاهر إني فوق حجمك عطــــــيتك
.oOo.
لحظه نبـــي نرجع دقيــــقة لماضــــيك
بذكـــرك فـي أي حـــــالة لقيـــــتك
.oOo.
كان الضــــــياع ودمـــعتين تخــــاويـك
منهار وفي عز انهيـــــارك خذيــــتك
.oOo.
وأرخصت عمري لجل أحبك وأداريك
هدمت قــصــــر الذل فيك وبنيــــتك
.oOo.
كان الغــــــــــــلا شمـــــعة تنور لياليك
لوأظلمت دنياك جـــــــيت وحتويتك
.oOo.
ياللأسف كنت أمدحك وأفتخر فيك
رفعت من شـــــانـــك وعليت صــــيتك
.oOo.
كنت أنت عندي غير ماأقدر أخــليك
أمــوت وأحيا ان قلت سم وفديتـــــك
.oOo.
واليوم أشوفك خنت حتى مبــــاديك
صــــغرت في عيني وأنا اللي هويتــــك
.oOo.
والضــيف لو انــــه عـــــدو معاديــــك
غصب عليك تقدره وســـــط بــيتـك
.oOo.
يا صـــــاحبي بتــــموت ماني براجــيك
واشــــره علي ان كان حتى طريــتــــك
.oOo.
لاصار ذل النفس في قلــب يغليـــك
يلعنك ياقلــــب عشقتـك وشريتـــك
.oOo.
اضحك حبيبي دام وقـــــتك مسليك
باكر تـمــــوت من القــــهر لا نسيتك