عطيت ماقصرت طيب وبعدين..........

من طرف بنت الجنوب الإثنين ديسمبر 12, 2011 1:33 am

)عطيت ما قصرت طيب وبعدين
...................... اليا متى بعطي ولاحدن عطاني

شوفي وصلنا وين ؟ وكنا قبل وين ؟
.....................منهو خذاك انتي ؟ ومنهو خذاني ؟

ما هو اكيد انك بديتي تخونين
..................... لكن قسم بالله في شخص ثاني

ماعاد تفرق جد وياي هالحين
.................... معاك اعاني وان تركتك اعاني

ضاعت من سنيني هدر خمسة سنين
................... ابلحق اللي فات كانه مداني

مدام عندك طيب القلب مسكين
................... حاضر بصير انسان مثلك اناني

تدرين لا والله ما ظن تدرين
.................. اني بنيت احلام فيك واماني

انا عشانك بعت دنيا وغالين
.................. انا نسيت اللي ابد ما نساني

انا على خدي جرت دمعة العين
.................. انا خسرت سنين ماهي ثواني

انا حفظتك سر في داخلي لين
................. كتبت فيك الحب شعر وقراني

انتي خلاص الحين لازم تروحين
................. بس احفظي هالبيت هذا عشاني

باليوم هذا سجلي بين قوسين
................ (خسرت انا في قلب ثامر مكاني)
................ (خسرت انا في قلب ثامر مكاني)
................ (خسرت انا في قلب ثامر مكاني