مايلحق البنت شرهات وعتاب ..لاصار ماهي مرتك ولا انت رجالها

عاشقة الورد كتب:مانزل البعد قدرك يارفيع المقام

صورتك في القلب لازالت على حالها

محبتك شوفها لو شفت حالي حطام
كسرت نفسي لها وامتدت اظلالها

من يوم حط الصبر من فوق ظهري سنام

وأنا ارتكي للحمول بهدي جمالها

وان قالت الناس مابللك حلم الغمام

مانمت الا ودمعي كان همالها

واليوم طير فـ وجيه الليالي حمام

وأحلامنا وقعت من دون منزالها

ان قلت لي يارفيق القلب وين الغرام؟

:حبيت نعمته ..ثم حبيت زوالها

لاصار حبك حلال..ووصل حبك حرام

وش لون ترقى معاك النفس باذلالها!

خلاص خلني وخل الجرح فيني ينام

ماعاديقوى يقوى حمول القلب حمالها

ماقلت غير الكلام اللي عليه الكلام

ولاامس عقدة لساني ضاع حلالها


مايلحق البنت شرهات وعتاب وملام


لاصار ماهي مرتك ومنت رجالها



وان طاح دمع الوداع وضاع مسك الختام


البعد كلمه وصح لسان من قالها


هذا وقدرك كبير ولك غلا واحترام


وفرقاك في القلب فال الله ولا فالها


للحين ماجفت ادموع الغلا والهيام


على المحاجر وهم القلب يبرالها

ذكرك عد(ن)عليه آمال قلبي حيام


يعني حبيبتك ماتعطش على جالها


ان مت من بعدها تحييك بين العظام

تعيش في قلبها وتعيش في بالها

وتشوف محبوبتك لامر 20عام

تنساك..ولاتنادي بـ سمك عيالها


مما لامس احساسي