لأزالت الرئحه الكريهه من المطبخ

من طرف ام فيصل وفرح السبت يناير 21, 2012 4:02 pm

السلام عليكم ورحمت الله وبركاته
الازالت الوائح من المطبخ
اول شي برميل الزباله وانتم بكرامه تغسليه بين فتره وفتره ويتعرض لشمس
ثانيا لازم يكون معك بالمطبخ معطر خاص به شفتو المعطرات الجو او معطر المفارش البخاخ اوكيه اذا خلص لا ترمينه غسليه وحطي فيه مطهر متل ديتول او اي مطهر عندك ومويه عشان تعقمي دولابك بكل سهوله واذا رميتي الزباله لا تحطي الكيس الجديد ع طول لا رشي من البخاخ اللي سويتيه في البرميل عشان يزيل الريحه وبعدها حطي الكيس
اذا غسلتي المطبخ اخر شطفه تكون بمعقم مع المويه
افتحي دريشت المطبخ وقت الظهر اذا ماتطبخين او بعد الطبخ عشان الشمس تقتل البكتريا والجراثيم
لازم الشمس تدخل المطبخ وفي الصبح
الثلاجه عشان الريحه تروح حطي مكعب فحمه مطحونه مع ملعقه فانلا وملعقه قرنفل (مسمار) طبعن كلهن مطحونات وحطيهن بقطع قماش خفيف شوي ووزعيهن بالثلاحه والفريزه بتعطر وتمتص الريحه
واذا ماودك حطي قطعت فحم حجري وراح تمتص الريح وغيريه كل اسبوع تقريبا
وعطري ثلاجتك بالخور مستكا تاقيه عند العطار
اذا كنتي ممن يحبون الستائر بالمطبخ الله يعينك ع الغبار غسليه اقل شي بالشهر مره
لانها بتمسك الغبار
انا كانت حاطه وبعدين تعبت شلتها وجلدت الدريشه بتجليد لون ووردي الأن سرميك مطبخي ابيض ووردي ولزقت صور فواقه وخضار عليها طلعت مره حلوه وماتعبني
واي وحده ودها تسوي مثلي تجلد دريشتها بلون مناسق لسراميك وتزين بذوقها
انا ماانصح بالستاره بالمطبخ
وقبل التجليد بالون الازم تجلد بلون اسود لازم عشان مايدخل الشمس وبعده تجلد الون الي عجبها
غسلي حوض المغسله بالكوركس عشان تروح الريحه وتنضفها ع الاقل باليوم مره
اذا غسلتي القدور اواي شي له غطا لاتغظيه واهو مانشف تماما لان راح يطلع له ريحه مو حلوه حتى تلاجة القهو والشاي لا تغطيها
والكاسات لا تقلبيها ع فمها واهي غرقانه بتطلع لها ريحه لا اذا كان عندك الشبك حق المواعين المخرم من تحت عشان الهوا يقدر يدخل
الخلاط الكهربائي اذا ريحته قويه حطي فيه بعد طبعن ماتغسليه صابون ومويه واخلطيها لمدت دقيقه وبعدها غسليه وبتروح الريحه تمام
لاتنسي اذا نضفتي الفرن لبسيه بالقصطير فاهمين طبعن هالحركه عشان ماتتعبين اذا تضفتيه مره ثاني
العيون حقت افرن طلعيها ونقعيها بمويه حاره وصابون وكلور وبعدها نضفيها بسفنجه ودعكيه زين وبعدها صفيها ونشفيها وركبيها وربي تطلع مره نضيفه والنار تطلع قويه
واخيرا لاني تعبت وانا اكتب
حاولي تحطي بالمطبخ الاوان الي تريحك وتحبينها وزينيه بتحف او اي شي اهم شي يكون يفتح نفسك وبالتالي بتحبي الطبخ
وسامحوني ع الاطاله واذا في اغلاط املائيه سامحوني عيالي رجوني
اتمني اني افدتكم تحياتي ام فيصل