يا سود الليالي

ليه الوم الحظ يا سود الليالي
.............................وانتي اللي واقفه بيني وبينه !
لو دريتي من غرامه وش جرالي
.............................والله ان دمع المحاجر تنثرينه !
ويل حالي لاطرالي ويل حالي
..........................كني اللي شال روحه في يدينه !
حطها في قبرها والدمع سالي
........................وراح وجروحه وسط قلبه دفينه !
ويا عذابي كل ما يطري فبالي
.......................نظرته مع ضحكته وغمّازتينه !
فلة حجاجه وهو داله وسالي
.................... سجته يوم ارتوي من بحر عينه !
صعب اوصّف شي اكبر من خيالي
.................صعب اوصف من له انفاسي رهينه !
غاب وايدين الزمن لا ماتبالي
.......................تطعن الملتاع لاجارت سنينه !
بذكره ياجعل ما للبعد والي
..................كل ما صاحت عروق القلب وينه !
وكل ماهبت نسانيس الشمالي

........................ بحضن طيوفه واقبّل راحتينه !
جعلني فدوة غلاه اول وتالي
.....................ويا عساني فدوه لطلة جبينه !

موضوع في قمة الخيااال
طرحتي فابدعتي
دمتي ودام عطائك
ودائما بأنتظار جديدك الشيق