ودع .. من بعيد

ودّع .. مِــــــن بــعــيــد
مـالـك فـــي الـلـقـا حـاجــه
مـادمــت .. خـيــل الـهـجــر
بــيــديــك تـسْـرجــهــا !!
وش عـــاد يـعـنـي عـــذر ..
وعــتـــاب .. ومـــواجـــه
دامــك تيـمّـم عـلـى الـفـرقـا
وتـــــدرجـــــهــــــا
يا هون جرحك علي وان طوّل علاجـه
مـا ضيقـه إلاّ ورب البيـت يفرجهـا
والليل ما يعمـي اللّـي ينقـل سراجـه
والدار مايجهل ـالساكـن ـمخارجهـا
مادام راسـي عزيـز وعزتّـه تاجـه
يا ناوي احراج نفسي كيـف تحرجهـا؟
وانا البحر لو يثور العب على امواجـه
واواجه الريح .. واجرحهـا واعالجهـا
والنجم لو غاب عنّـي خابـر ابراجـه
والبيـد خابـر مسالكهـا ومعارجـهـا
لا صار قلبك عليّ اسود مـن الصاجـه
ما نيب اغزل الوصل وخيوطه انسجهـا
بصبر وايلا من غزاني الليـل بافواجـه
بشوف لي نجمة ٍ فـالليـل وانهجهـا
يا قلب ناجاك نجـم الليـل قـم ناجـه
ذكرى همومك مضـت ليّـاك تزعجهـا
ما نيب من يصطلـي والنـار وهّاجـه
عيني عن الهمّ تلقـى مـن يسجّجهـا
حطّيت دون الرخامـه سـور بسياجـه
ولاّ الـردي مـا يهمّـه لـو تزوّجهـا
ياناوي البين كـبّ الشـوق وازعاجـه
ودّع من بعيد وركـاب الهجـر سجهـا
منته بلمـزوم باللّـي عـاف ماواجـه
واسـرارك استـر عليهـا لا تروّجهـا
وانا بعد ما بقى لي فـالهـوى حاجـه
ملّيت من غدر حوّا .. كيف احاججهـا؟
من تبغي الدرب الايسر تدعس الصاجه
واللي تبي تحجّ ... تلقى من يحجّجها !!

يا اناقلب ناجاك نجـم الليـل قـم ناجـه

يعطيك العافيه انا قلب منوره ومعطره