الدنيا ماتسوى (((ليه نزعل على احبابنا)))

من طرف نديم البحر الخميس يوليو 21, 2011 9:34 pm

اخواااااان حنا لويجي بيننـا شيـن
ومانفتـرق دام المحبـة نـديـه

نزعل ونتكبر وحنا مـن الطيـن
والكل منا يصـد لااقبـل خويـه

نفخر نقول انا على الصد قاويـن
وهـي علينـا فالحقيقـه قويـة

ننسى نهايتنا وعلى ويـن ماشيـن
وننسى الزمان اللي جمعنا سويـه

المشكلة ماهي بحاجـه لتخميـن
ولاهي يانـاس صعبـه القضيـة

دق الـــرقــــم
كيفك00هلافيك00واهلين
انا الخوي اللـي مزعـل خويـه

تغيب وصورتـك داخـل العيـن
ويبقى لحبك فـي خفوقـي بقيـه

خلك قوي لاتحتكرك الشياطيـن
قبل الفوات وقبـل وقـت المنيـه

هاذي هي الدنيا من الحين للحيـن
لابد بين النـاس تحصـل خطيـه

ومن لايقدر غلطة احبابه الحيـن
يقرا حروفـي ويعتبرهـا هديه

باااكر تمر سنين وسنيـن وسنيـن
والكل يرحل فالدرووووووب المديه

صدقني تندم واذكر حروفنا زيـن
تندم على خلك اذاغـاب ضيـه

دنيا غريبه واكثر النـاس ماشيـن
وكم صاحب والله دفنته بيديه::""

والله الدنيا صغيرة....اذا لك حبيب ..او صاحب...اوصديق...او اخ...اوقريب كان...لاتزعل عليه..خليك احسن منه وسامحه

مما راق لي