صروف المحبـــــــــــــــه

شوف عقبك حبيبي كيف أصبح زماني
وكيف أعيش الليالي وأنت عني بعيد
شوفني كل ليلة من فراقك أعاني
وشوق قلبي لقلبك كل يوم يزيد
الفرح في غيابك ياحبيبي نساني
بعد ذيك الليالي صرت عايش وحيد
أرتجي طول ليلي طيف خل هواني
وأرضى خاطر طموحي حتى لو هو عنيد
وأنظر الوقت بعدك مات بين الثواني
والليالي كئيبة مابهامن جديد
كل شي ياحبيبي مات حتى الأماني
مابقى غير حزني والبكا مايفيد
كيف بقوى فراقك ياحبيبي كفاني
راح مني شبابي والزمان السعيد
من صروف المحبةكل شي بكاني
كنني صرت عايش بين قيد وقيد
عودلي ياحبيبي وخذبقاياحناني
عود وارحم محب تاه واضحى شريد
إنت ساكن فؤادي ولا معك حد ثاني
وغير حبك خفوقي ماتمنى يريد
وغير كلمة حبيبي مايعبر لساني
ولو تمر الليالي الغلا مايبيد
ولو عرفت بغيابك كيف يصبح زماني
كان ماعشت لحظة وانت عني بعيد.