عايلة بو خليفة

من طرف الاثير الثلاثاء يونيو 21, 2011 5:30 am

عايلة بو خليفة..(سعيد)بو خليفة, (فاطمة)أم خليفة, خليفة (19سنة), العنود(18سنة), راشد(16سنة), سارة(15سنة)…
*عايلة بو حمدان..(راشد)بو حمدان, (عايشة)أم حمدان, حمدان (20سنة), مريم(18سنة), سلطان(17سنة), الهنوف(16سنة)...
[و حبيت أقول لكم أن سعيد وراشد إخوان و فاطمة و عايشة هم خوات....]
*عمتهم حصة و ريلها عبد الله متوفي من سنتين و عندها..نوف(21سنة) و هي مخطوبة
, سلطان(20سنة), و التوأم.. مشاعل + سيف(16سنة). و شيخة(5سنين)..
*خالتهم خلود و هي بعدها ما تزوجت و عمرها(24سنة)....و هي ساكنة عند أمها..
* و أخيرا يدتهم(حمدة)وهي أم فاطمة يدهم يوسف متوفي من ثمان سنين..

...الجزء الأول...
..كانو عيلة بو خليفة في السيارة رايحين سيتي سنتر(دبي) ودق موبايل سعيد(ابوهم)..
سعيد:ألوو...
....:ألوو مرحبا عمي
سعيد: مرحبتين منو وياي
....:عمي أنا حميد رفيج خليفة
سعيد:هلا بولدي حميد شخبارك؟
حميد: الحمد لله بخير بس عمي بغيت أقول لك شي!!
سعيد: تفضل عسى ما شر خوفتني..
حميد: شر ما ييك عمي بس خليفة يا عمي......
قاطعه سعيد:خليفة!!!شو فيه؟؟؟؟؟
فاطمة (أم خليفة) أول ما سمعت طاري خليفة نغزها قلبها و تمت تطالع سعيد..
حميد: ما شي عمي أنت بس هد أعصابك والسالفة أهي أن خليفة مسوي حادث و...
سعيد و هو يصارخ:شنوووووووو وينه اهو الحينه؟؟
حميد:بمستشفى راشد بس عمي هد أعصابك ترى الحادث مب جايد
سعيد:خلاص مشكور اولدي ما قصرت مع السلامة
حميد: مع السلامة
وسعيد طيرااااان بالسيارة على مستشفى راشد وكل اللي في السيارة مصدومين ما يعرفون شو السالفة و ما قدرو أنهم يكلمون ابوهم لأنه كان في حالة لا يحسد عليها...........
و أول ما وصل سعيد المستشفى قال لهم:يلا بسرعة نزلو
فاطمة: ليييييييييش؟؟؟؟
سعيد: خليفة مسوي حادث
الكل: هاااااااااااااااااه!!!
و بعدين الكل بسرعة على الطوارئ
و لاقو حميد عند غرفة الجراحة
سعيد: هاه حميد بشر؟
حميد: كل الخير يا عمي بس الأطباء قالو أن حالته مستقرة و لما الحين هم عنده.
سعيد: أنزين قول لي كيف صار الحادث؟
الكل قعد يسمع كيف صار الحادث...
حميد: الله يسلمك يا عمي كنت أنا مع خليفة مع بعض كان خليفة يسوق بس فجأة قعد يطالع وره ما درينا إلا نحنا داعمين العمود اللي على الدوار و كانت الدعمة قوية واايد بس الحمد لله أنها يت على جذي و لا رحنا فيها.....
سعيد: لا حول و لا قوة إلا بالله
فاطمة: واعليه على خلوف... و يلست تصيح...(تعرفون الأمهات قلوبهم وايد رهيفة)
و العنود و سارة دمعن و يلسن على الكراسي أما راشد كان وايد زعلان خايف على أخوه
شوي ولا يرن تلفون سعيد:الو
راشد(بو حمدان):هلا اخوي شو اخبارك؟
سعيد: و الله الحمد لله
راشد حس بنبرة صوت اخوه حزينه:سعيد شو بلاك؟
سعيد:خليفة يا راشد خلوف مسوي حادث
راشد: شووو خليفة مسوي حادث لا حول بس انت لا تكدر خاطرك و ان شاء الله ما بيصير الا الخير و انا الحين ياينك مع السلامة
سعيد: مع السلامة
وبند سعيد عن اخوه............ خليفه دوره في العايلة وايد مهم لانه اهو دايما اللي يضحكهم و يونسهم..
حميد:عمي من بعد اذنك انا اترخص شوي و بعد ساعة راجع ان شاء الله
سعيد:على راحتك يا ولدي ومشكور ما قصرت لولاك ما كان خلوف هني
حميد: العفو يا عمي ولو هذا واجبنا خلوف احطه في عيني
حميد و هو يمشي عينه على العنود بس العنود كانت منزلة راسها و تطالع تحت و لما شافت جسمه من تحت رفعت عيونها و يت عينها بعينه و بسرعة نزلتها و كمل حميد دربه..
فاطمة: يزاه الله خير هالولد و الله ما قصر كان مع خلوف من كانو صغار متربين مع بعض...
و بعدين قعدت تدعي حق ولدها ان يقومه بالسلامة
سارة: رشود خلوف أخوية بيقدر يمشي و لا لاء؟؟..ودمعت عينها مرة ثانية
راشد: ان شاء الله الله يقومه بالسلامة و يشوت الكورة فبطنج...(راشد بغى يضحك أخته علشان شويه تهدى)
سارة بصوت خفيف و تمسح دموعها: ههههههه آآآآآآآآآآآآآآآآآآآآآآمين
بعد نصف ساعة وصلو قوم عمهم راشد
راشد راح عند سعيد و و عايشة عند أختها فاطمة والباقي راحو يلسو على الكراسي..الا حمدان لأنه كان مع ربعه في العين..و ما يدري...
راشد: ها سعيد شخبار خليفة؟
سعيد: و الله الأطباء بعدهم عنده و لا واحد طلع منهم و كل شوي يدخل طبيب غيره الله يستر
سعيد: لا ان شاء الله ما يصير الا الخير انت بس اطلب من ربك ان يطلعه بالسلامه
أما فاطمة فهي قاعدة تصيح و أختها عايشة قاهده تهديها
عايشه: بس يا فاطمة أهدي ولدج ما بلاه شي
فاطمة: كيف كيف بس يا عايشة هذا ولدي ظناي حشاشة يوفي كيف كيف

و مريم تفكر بخليفة ..يا ترى كيف شكله الحينه فديته و الله يا رب ..يا رب الله يقومه بالسلامة
و تنقطع أفكارهم كلهم لما يشوفون واحد من الأطبة ظهر من غرفة العمليات الجراحية
سعيد و راشد و الأولاد كلهم مرة وحدة يسير صوب الدكتور .........
سعيد: ها دكتور بشر؟؟؟!
الدكتور:لا الحمد لله خليفة ما فيه شي قدرنا ننقذه بأسرع وقت و بأسرع ما يمكن بعد
...انت أبوه؟
سعيد: هي أنا أبوه ليش؟
الدكتور: لا ما شي بس كنت اسأل..
سعيد:انزين متى بطلعونه من هالغرفة؟
الدكتور : بعد 45 دقيقة علشان يتأكدون من استقرار حالته
راشد(عمه):انزين نقدر انشوفه بعد ما يطلعونه؟
الدكتور: بينقلونه غرفة العناية المركزة يعني لو تمرونه بكره أحسن
سعيد: خلاص دكتور ما قصرت
الدكتور:يلا عيل اترخص
سعيد و راشد: مرخوص
وراحو عند الحريم و البنات و قالو لهم اللي الدكتور قاله
فاطمة: و أنا ما بتحرك من هني لين ما أشوفه
سعيد: يا حرمه الدكتور يقول لج ما راح يطلعونه الا بعد45 دقيقة
راشد: مو مشكلة يا بو خليفة بنتم هني لين ما يطلعون خليفه من الغرفة و أكيد انهم راح يمرون من هني و بنشوفه
سعيد: هه يلا شو أسوي بعد
بعد ما مر الوقت شافو ان باب الغرفة انفتح شوي شوي الا الممرضين و طبعا أكيد بنقلون خليفه على العناية و أول ما وصلو صوب العايلة الكل وقف يطالع خليفه كانت حالته تقطع القلب لأنه وايد كان متعور..................و بعدين الكل راح بيته
.........في بيت سعيد........
بو خليفة و أم خليفة راحو يرقدون بس بعد ما قعد بو خليفة يهدي في حرمته
أما بالنسبة حق راشد راح غرفة سارة أخته لأنهم متعودين يسولفون مع بعض قبل ما يرقدون لين ما ياه رقاد و راح عنها.....
و العنود دقت على ربيعتها الريم و كانت الساعة وحدة و نصف..( الريم واااايد و يا العنود الروح بالروح و هي كويتية)
الريم:مرحبااااا بالسبالة اللي من الساعة 11 و أنا اتظرها..
العنود: شو ماشي سلام و لا شووو.
الريم: السلام عليكم
العنود: و عليكم السلام مرحبا بالغالية و الله سوري بس لو عرفتي السبب كنت بتعذريني
الريم و هي متلهفة:ليش اكو شي صاير ؟؟؟؟
العنود: فديته أخوية خلوف مسوي حادث ...
الريم هي تقاطعها:يا حرام و الحين شخباره؟؟؟؟؟؟؟؟؟
العنود و هي حزينة:شو أقولج بس يا ريمي و الله أن حالته تكسر الخاطر و يقطع القلب.(.كانت شوية و بتصيح.)
الريم: المهم انه بخير و انت لا تكدرين خاطرج و ان شاء الله الله يقومه بالسلامة..(و بغت شوية تفرفش على العنود)..و يسرق الأكل اللي في خزانتج هههه
العنود:ههههههه ما شاء الله عليج تطلعين الواحد من حزنه غصبن عنه هههههههه
الريم:عشون عيل يا معودة انا الريم مش أي وحدة هههه
العنود: بسج عاد.. يلا بسكر عنج ياني رقاد..
و سكرت العنود عن الريم و قرت قرآن و بعدين رقدت
(الحادث محد يدري به الا قوم سعيد و راشد)
خلونا نروح عند بيت قوم راشد الكل راقد الا شخص واحد و اهي مريم ...مريم و خليفة يحبون بعض من الاعدادية..بس لما كانو صغار كله يتضاربون مع بعض و يكرهون بعض بالمرة.. بس سبحان من يغير و لا يتغير...(و ما بعد العداوة الا المحبة)....
مريم كانت منسدحة على السرير و تفكر في خليفة ..فديته و الله يعلني أفداه ليتني أنا و لا هو..
و يلست تصيح و بعدين راحت توضأت و قرت القرآن علشان تهدى و تريح أعصابها
و بعدين رقدت.............

يا ترى شو راح يصير في خليفة؟؟؟؟؟؟؟؟
و شو بين العنود و حميد.....؟؟؟؟؟؟؟؟؟
و حمدان و العايلة الكريمة الباقية راح تدري بسالفة حادث خليفة ....

منقووووووووووووووووووووووووول