مدرسه دنياي

*****
****

عز الله إني من حياتي تعلمّت
في مدرسة دنياي دروسن عجيبه

تشرح حياتي درسها دوم في صمت
ويلقى فدنياه كل واحد نصيبه
ياكم دروسن صدمتن منها عمت
فداخل افكار وسط راسي ركيبه
كل الدروس لا جات فيها تلزمّت
وبمراجعتها تتضح كل صعيبه
في مدرسة دنياي انا تعلمّت
أن الصدق منجا والكذب خيبه
أصبر على خيبه فيها تعشمّت
واللي تبيه احملّه والثاني سيبه
أول تلوم نفسك قبل غيرك ان لمت
وخل التفاول يذبح الشؤم وعيبه
يسهل طريقن صعب بالعزم ان رمت
واصنع لنفسك كل قدرن وهيبه
أحفظ دروسك زين إليا تفهمّت
وإحسن ضنونك فكل شكن وريبه
أحذر جروح الهوى لو في هوى همت
تبقى جروح الهوى دايم عطيبه
مفيه طبن في الهوى إليا تألمّت
ياكم محبوبن تجنن حبيبه
وخل الامل يصحى معك كل ماقمت
ترى الامل يسعدك لا لا تسيبه
وذاك السفيه إليا هرج ردله صمت
ومن داس فينا الجمر يشكي لهيبه
عن هرجهم ماهو ضعف يوم انا صِمت
وانا بشعري الهدف مخطي اصيبه
علّيت قدري ما تدانا وحشمّت
طبعن ماذل منهو اعتز ينتخيبه
يعني على ماقيل انا اليوم حرمّت
الانحطاط في حلو هرجي أجيبه