قصيده بمناسبة اليوم الوطني للمملكه العربيه السعوديه

كل المعاني السامية قد تجلت
باعظم بطولة قادها الصقر شيهان

عبدالعزيز بهمةٍ قد تعلت
صمّم على حلمه وحققه مالان

دخل رياض العز من بعد ملّت
فراق سادتها وهو حيل عطشان

واقبل لها خاطب وهي له تحلت
يدفع لها مهر ٍ تغلى بالاثمان

مهره لها جد ٍ وروح ٍ تملت
عزم ٍ وتصميم ٍ ومجهودْ وإيمان

ورحبت بالشيخ حب ٍ وهلت
وصارت لذاك الصقرمربع وميطان

وعاشت بظله وافية ما تخلت
تحفظ له المعروف لو طالت ازمان

نفسه عزيزة ما حصل يوم كلّت
ايلين وحدها بتوفيق رحمان

وصارت بلادْ موحدة واستقلت
عن كل ضيمْ وعاشت بعزْ وامان

وشفنا السعادة والمسرات حلت
وصرنا بفضل الله في وضع الاخوان

من عقب تشتيتٍ وحربٍ تصلت
وظلم ٍ وتشريد ٍ وقتل ٍ وعدوان

عشنا الحضارة والجهالات ولّت
والنهضة العظمى على كل ميدان

مصانع ٍ قامت وفيها استظلت
بيض السحاب اللي لها فوق عـُـلوان

والجامعات بكل الارجا تعلت
منها تخرج كل عالم وفهمان

والا المدارس يوم بالنور شلت
الناس من جهل ٍتأصّل بالابدان

وعندنا القوات بالنصر خلّت
المعتدي يرجع ذليل ٍ وخسران

يافخرنا يوم المطاليق سلّت
سيوفها اللي حطمت كل شيطان

بالمملكه كل المخاليق صلّت
حمد ٍ لمن قيّض لنا ذاك الانسان

عبد العزيز اللي له الكود ذلّت
ايلين وصّل حدها حد نجران

تسلميييييين مره ششيء

كل سنه ونتي بألف خيير يامملكتنا يالحبيبه

من طرف **عاشقة الورد** الأحد سبتمبر 25, 2011 5:13 am

دامك عزك ياوطن
يعطيك العافيه

قصيده بمناسبة اليوم الوطني للمملكه العربيه السعوديه

قصيده بمناسبة اليوم الوطني للمملكه العربيه السعوديه

رد: قصيده بمناسبة اليوم الوطني للمملكه العربيه السعوديه

رد: قصيده بمناسبة اليوم الوطني للمملكه العربيه السعوديه