دخيلك ياحزن

رحلنا وين للغربه وسـارت يمّهـا الخطـوات
وتهنا بزحمـة الدنيـا رغـم قسـوة منافينـا


رحلنا نطرد الفرحه ولاشفنا سـوى الحسـرات
لقينا الحـزن يكتبنـا علـى صفحـة أمانينـا


ملامحنا غروب الشمس وليل أحلامنـا دمعـات
وبسمات الأمل ماتت على ضفـة مـا آآسينـا


على حدود السهر نقطف مواجع ليلنـا بسكـات
نعاتـب هالزمـن لكـن بحسـراتـه يبكّيـنـا


يسير العمر مشواره ولانذكر سوى اللـي فـات
نعيش الأمس والواقـع علـى همـه يمشّينـا


كذا والعمر يمضي والسنيـن تمرنـا لحظـات
وأذا نلحـق مواعيـد الفـرح ماعـاد يمدينـا


كذا نحلم ونحلم ليـن يرسمنـا الزمـن آهـات
ونعاني ليـن يدركنـا الممـات وينتهـي فينـا


ياليل أرفق على روح السهارى من عذاب الذات
نبي نستودعك سـر المواجـع قبـل تسرينـا


دخيلك ياحـزن مـادام فينـا كـل شـيٍ مـات
وش اللي باقـيٍ فينـا عشـان تـرد تشقينـا


أساساً مابقى غير الجروح وضيقـه وعبـرات
على لحن الحـزن صـارت مواويلـك تغنّينـا


تساوى كل شـي ماعـاد لأيـام العمـر لـذات
ولاباقي سوى دمعـه مـن الدنيـا ..تواسينـا


لبسنا من الظلام ثياب وزفتنا الجـروح أبيـات
وصاغتنـا القصايـد حـزن تكتبنـا وتمحينـا


يهب الخوف من صوت الزمان وتنتحر غايـات
حيارى خانهم وجه الـدروب وضيعـوا المينـا


جفل ذاك الطموح وأنكسر فينا مـن الصدمـات
بعد ماكانـت أحـلام العمـر تعبـر شواطينـا

يسير العمر مشواره ولانذكر سوى اللـي فـات
نعيش الأمس والواقـع علـى همـه يمشّينـا
يسلمووووووووو