نصائح من عربجي

من طرف **روح الأمل** الإثنين أغسطس 22, 2011 11:17 am

نصااايح من عربجي

لاحظت وأنا أمشي في الشارع ولا أي مكااان وجود أخطأء سلوكية في حياتنا ...

فحبيت أن أوضح لكم الخطأ ... وأحاول أن أصلحه لكم بسلوك تربوي حضاري ...

بسم الله نبدأ ..

خطأ :
عندما يصطدم بك أحد وأنت تمشي .. ثم تسقط كتبك ... ثم تأخذها وتمشي ...
وكل منكما يتأسف للآخر ...
الصحيح :
تمسكه مع ثيابه ... وتصكه بالجدر .. وترفسه مع بطنه .:وحبذا تنهيها بركبة وإلا كوع ...
ثم ..
تقوله شيل الكتب ..
ومرة ثانية فتح عيونك ياثور ..

خطأ :
تفتح الإشارة .. ثم يدق لك بووووري االي وراك ... ثم تطالع في المراية ... وتلقاه يهاوش ومعصب ..
ثم تلوح بيدك تتأسف ...
الصحيح :
تنزل له بمفتاح العجل أو قطلة ... وتطق الدريشة عليه ... وأول مايفتحها ...
جرّه مع شعره(او ثيابة اذا كان اصلع) ... واجلده الييييييييين ما يقول : العيد الليلة ...
ثم ..
قله مرة ثانية تصير الاشارة خضراء .. تصير حمراء .. تصير فسفوريه ... تاكل تبن وتنطم ..

خطأ :
تدخل المحاضرة متأخر ... يقولك الدكتور اطلع برا يامهمل .. ياللي فيك ما يخطيك ... ويصك الباب بوجهك .. ثم تروح وانت تجر اذيال الخيبة ... الصحيح :
تنتظره بسيارتك وأول مايحرّك لبيتهم .. تسقط عليه و تخليه يخش في ماصورة ... والا جدار ... والا حاول تخليه يصدم سيارة ..
ثم ..
طلع راسك مع الطاقه... واضحك ..

خطأ :
جالسين أنت ومجموعة من الشباب ... وعندكم علب بيبسي ... وطلعت تبغى تغسل ...يدك
فيقوم صديقك ويرج العلبه ... ثم تجي تبي تفتحها .. ثم تطيش بوجهك ...
ويضحكون عليك .. فتقول ... هههههه الله يرجك والله لارد لك المقلب ..
الصحيح :
تمسكه مع رجليه وترفعه فووووووق و تصبخة بالارض صبخ ... وتجيب علبة الببسي .. وترجه رجا مبرحا ... ثم تفتحها بوجهه ...
ثم ..
تقوله لاصرت أخوك الصغير والا تمون علي .. امزح معي هالمزح ...
وهالمرة بسمح لك عشان خاطر الموجودين ..
والا اقولك !! ...
خذ علبه ثانيه واصقعه على جبهته ...

خطأ :
تحلق عند حلاق ومتحمس تعلمه سوي كذا ... وسوي كذا ...
وهو يقولك .. أنا في معلوم ..
أنت بس ارتاح ... وتتركه ...
وتلقاه حالقن نص شنبك ... ثم تهوشه هوش ... وتحاسب وتطلع ... وتقول بنفسك والله ماعمري أحلق عنده ...
الصحيح :
تاخذ الموس ... وتخربط براسه ... وشنبه ولحيته ... وإن حصل تحلق راسه عكس فما قصرت ...
ولاتحاسبه ...
وحبذا لو جلدته ... (( على حسب الموجودين ... لو ماعنده أحد أجلده )) .. ثم ..

قل بينك وبين نفسك ... ماعمري أحلّق عنده ...

خطأ :
تمشي بالحارة رايح للمسجد ...
ثم يجي بزر من هالبزراين ... ويفلقك بحصاة ..
ثم تلعن الشيطان وتعوذ من إبليس ... وتكمل دربك .. تقول بزر ماعليه شرهه ...
الصحيح :
تاخذ لك بلكّه وترميها عليه ... إن ضربته " فهو خير ونعمة"
وإن ماضربته ... خذ عصا .. وامسكه واجلده ...
إن صاح خير ونعمة ...
وإن ماصاح فاتركه ورح صل وخلص مشواريك... ثم ارجع له .. وتفرّغ له ...
أكيد مب متحمل لمين وقت الصلاة الثانية ... وعلى مسؤوليتي بيصيح ...

خطأ :
راكب سيارتك مستعجل ... وكل اشارة توقف عندها ... حتى الاشارات اللي مافيها أحد .. الصحيح :
حتى لو انت منت بمستعجل ... اقطع الاشارة ... الاشارة حطوها للي مايعرفون يسوقون واللي يفحطون حالها حال المطبات يعني

خطأ :
متابع فيلم .. ومتحمس .. ثم تجي اختك وتغيّر القناة .. بدون ماتشاورك ...
ثم تقولها : ليش ياختي الغالية.. ماتشوفني متابع؟؟
الصحيح :
تلتفت يمينا و يسارا
و تشوفلك اقرب صينية ... و اعطيها على راسها
(اذا ما كان فيه الا ابريق الشاي ...فهذا سيفي بالغرض)
ثم خذ منها الريموت ..... وحط فيلمك ... وتابعه بصدر رحب ...

خطأ:
تكتب بعد نهاية اي موضوع تكتبه في االمنتدى ان شاء الله ما طولت عليكم ... اتمنى يعجبكم الموضوع ... ننتظر ردودكم ...
الصحيح :
المفروض تكتب اذا طولت هذا شيء راجع لى وبكيفى وإلا من قال لكم تقرون موضوعي اساسا ... واذا اعجبكم الموضوع والا بالطقاق ...

ترى هذا الموضوع منقووول طبعاً يعني مو مني هذه النصائح
بس أتمنى تعجبكم وما تطبقوها أبداً في حياتكم ...

من طرف **الساهر40** الإثنين أغسطس 22, 2011 11:25 am

هههههههههههههههه

الله يعطيك العافيه
نصائح مره حلوه
بس عن نفسي ما راح اسويها
لا يجي واحد يكفخني بدل اكفخه
برفع يدي واقول اسف ويادار ما دخلك شر

دمتي بكل خير